孖小方主持金像獎?鄧麗欣尷尬否認…

2019年03月09日 11:18
東網電視
更多新聞短片
係喇,知你唔係合作喇…

藝人方力申(小方)、鄧麗欣(Stephy)、任賢齊、陳瀅、陳家樂、衛詩雅及顧定軒(Zeno)今晨出席慈善步行活動,眾人齊齊主持開步禮,至於原本答應出席的梁漢文就因病缺席。「前拖友」小方及Stephy同為活動的榮譽顧問,而今年孖Zeno參賽的Stephy冇再上演去年同小方經典握手畫面,影大合照時亦相隔6個人。

Stephy受訪時表示是第5年參賽,大滿貫有獎牌攞:「都幾特別,好少有一個活動係可以連續堅持5年咁做,自己都好鼓舞。」昨日才於橫店拍攝古裝戲回港的她自覺體能不及以前,坦言都好擔心:「拍戲嗰度冇地方練跑,只係喺房度拉筋,又冇打排球一年,(賽事)一定完成到,係睇時間,不過都會小心啲慢慢行,畀咗個藉口自己,安全最重要,叫咗Zeno扶住我。」Zeno接話是首年參賽,為熟習路線,之前都特意抽空試行,更會以Stephy為目標,希望自己都可以年年參加。

講到早前有資料網站顯示今年金像獎司儀為Stephy及小方,但事實為會由20多名年輕演員輪流上台擔任,Stephy笑言都有收到好多朋友Message查詢,自己亦感到好奇怪:「睇到有嚇親,都有問公司,相信都係大家揣測,金像獎一知道之後都有澄清。」至於問到若果真的被邀請與小方擔任司儀會答應?Stephy即時尷尬起來指:「我諗金像獎唔會咁做,冇乜必要咁樣轉移大家視線。(今日都一齊出活動。)咁多人一齊,係為件事,而唔係為任何人。(呢個活動算係你哋嘅每年一聚?)唔係,平時做嘢都有見面,見到面都冇乜嘢。」