傳鈕承澤秘密復拍新片 任賢齊隨時注資

2019年03月09日 12:15
東網電視
更多新聞短片
睇嚟小齊已經Ready出錢又出力!

藝人任賢齊(小齊)今早以榮譽顧問身份出席慈善步行活動,他坦言當初參與為好玩,但跟隨大會去過做探望後,體驗到山區缺水的感受,又見到與仔仔年紀相約的小朋友孭水步行兩小時山路就好想喊、好心痛。講到隊友梁漢文(Edmond)因病缺席,令小齊要孤軍作戰,他表示Edmond昨日有致電給他:「佢話自己食錯嘢敏感,成個頭腫晒,之後仲冇聽電話,可能佢真係暈低咗,我諗佢好唔舒服,平時佢踢開波㗎嘛!體力應該好好㗎,等陣我會加入其他隊友。」

瘦番晒:依家80KG

昨日才回港的小齊透露有同其他導演食飯傾電影劇本:「嚟緊電影節,有好多導演都嚟咗,好開心佢哋接受我係一位用心、正真嘅演員,肯畀機會我,因為有好多人以為做歌手好麻煩咩都唔接,而之前我為咗套戲(《跑馬》)食肥,除非係應承咗做其他嘢,如果唔係都有成年冇見人。(依家瘦番去幾多磅?)最瘦試過72KG,但依家80KG,真係唔知套劇會點,就Keep住喺中間過程,係開騷就瘦啲。」

隨時注資鈕承澤新片

講到最近有傳電影秘密復拍,問到可有聽聞消息?小齊指目前情況好亂:「劇組之前都解散咗,搵番啲工作人員先知有人已經接咗其他工作。(話復拍用全新班底。)未必係咁,依家都未知最後決定,有好多可能性,演員嘅期、工作人員、導演嘅想法未來都係唔知,但呢部戲係導演(鈕承澤)嘅心血,所以都會尊重佢嘅意見,會先整理吓之前拍落嘅嘢,或者再復拍會有新驚喜。」亦曾有傳小齊有意投資「補飛」,問到現時會做「白武士」出手相助?他坦承都有準備,若需要時會注資,但現時一切均處於未知狀態。