雙管齊下吸金！翟威廉爆直播收入好過份糧

藝人翟威廉晚上出席甄澤權婚禮，問他幾時計劃「拉埋天窗」？他說：「一定冇咁快，可能講緊要8年後，依家工作好忙，要拍劇、又做節目同開live。（孫耀威喺內地直播搵好多喎！）我一定冇咁多，錢唔係最重要，搞好個風氣先啦。我依家有個『happy life』團隊，愈嚟愈多人，大家有唔同嘅目標，有啲話想打功夫、有啲話想打籃球，有啲想做日韓工作，統籌計劃都要一段時間。（做直播收入好過無綫份糧？）趨勢會係。（已經係？）差唔多啦，呢啲嘢相輔相成嘅，電視人氣高，直播自己做得好。（你同呂慧儀合作過，知唔知佢離婚？）唔問私人嘢，最緊要開心，我同佢對上一次見面已經係台慶。」