傳授夫妻之道 林盛斌教甄澤權「造人」
20190309
東網電視
更多新聞短片
林盛斌（右）向甄澤權傳授夫妻相處之道！
藝人林盛斌為好兄弟甄澤權婚禮擔任戥穿石，接新娘時見他落力玩遊戲，搞到身水身汗，不過他竟然說：「做過無數咁多次兄弟，呢次算係最輕鬆喇！都係安排朝早十點零先集合，本來連接新娘遊戲都冇，係我提議點都要玩啲。我識咗甄澤權都有十年八載，起初我係主持，佢嚟表演魔術，覺得呢個後生仔好叻，仲飛到去拉斯維加斯表演。佢同太太都識咗16年，可能以前係偶像派，所以好低調。」
問他可有向對方傳授夫妻相處之道？林盛斌說：「老婆唔會錯嘅，真係佢錯嘅話都係自己錯，咁就得喇！（教佢一擊即中做爸爸？）師傅話下午三點至七點係好時機吖嘛！」他又笑指剛才看見自己太太現身婚宴時，手持利是封很厚：「我擔心佢封人情封得太多呀。」
----------------------------
東網巨星開咗ig喇，大家快啲follow啦！