發掘新星！唐韋琪要參賽者聲色藝俱全

藝人唐韋琪（Vikki）以協辦兼初賽評委身份，出席香港區藝術錦標賽，她表示整個賽事會去到7月份：「總決賽會邀請專業導師做評判，喺香港區勝出嘅健兒可以出戰美國荷里活嘅世界錦標賽，6至50歲嘅人都可以報名參加，都歡迎專業人士、老師參加，發掘出新一代新星。（今次籌備咗幾耐？）試年年底收到通知，所以都好急，呢個賽事係全港藝術家嘅一個盛事。」

問到評選準則？她表示不單止識唱歌、跳舞：「希望喺香港區贏出嘅健兒，去到世界錦標賽可以變化才能。（最鍾意睇咩表演？）戲劇、畫劇、唱歌，做到聲色藝為之一亮，富娛樂性。（接受騎呢表演？）如何係加入戲劇入面都可以。」同場有許秋怡、王書麒、祝文君、雷深如（J.Arie）、蓋世寶和陳佩思現身撐場。