誤打誤撞!J.Arie唱二次創作金曲Hit爆網

20190310
東網電視
更多新聞短片
係囉~仲唔多謝Kary?
歌手雷深如(J.Arie)為香港區藝術錦標賽撐場,她笑言若參加比賽驚不夠最細的6歲參賽者勁:「佢哋個個都十八般武藝,馬戲團跳火圈咁,我都係睇表演。」繼而鼓勵她用翻唱別人的二次創作《逼得香港太緊》(原曲為吳雨霏的《逼得太緊》)作參賽曲,她即自爆當初翻唱的構思是個美麗的誤會:「最近上《流行經典50年》揀咗唱《逼得太緊》,之後見到有網民玩改編歌詞,就諗橫豎我都係練歌,亦都有純音樂,就翻唱,估唔到好有網站留意到,仲報道埋,好驚喜!」續抵死酸爆大呻:「傷心啲講,出新歌嘅瀏覽量都冇去得咁快,都冇咁多人留意!」
J.Arie表示自推出Solo版本後,都有出多一個版本,搵好友小肥一齊合唱:「加埋佢首《寵物》,兩條Video都有好高瀏覽率。(朝呢個方向去玩二次創作?)呢種生活就係要同人鬥快,呢個星期我過住坐過山車嘅生活,每晚捱夜拍片。」講到原唱吳雨霏都有份享二次創作版本,可會想邀請對方合唱?她說:「唔知佢睬唔睬我,之前有同過佢面對面打過招呼,或者可以試吓邀請!」她指網民力量強大,雖然歡迎有二次創作,但都希望大家仍能多多支持原創。