冇諗過拉票！阿Sa最想攞唔係影后

蔡卓妍憑英皇電影《非分熟女》獲得本屆金像獎提名「最佳女主角」，她晚上出席導演會晚宴時，被問到會否趁機向同業拉票，她說：「拉到嘅咩？如果係當年《雛妓》都得啦，咁樣好老土，我係型人嘛！（覺得唔好意思？）係呀，但都會盡可能叫人捧場睇戲嘅。（今次信心大過《雛妓》？）屆屆評審都唔同，要睇佢哋嘅口味。」

談到出席金像獎戰衣，她謂：「未決定呀，唔知形象設計師會準備啲咩畀我。我未攞過最佳衣着，所以呢排忙健身。（有腹肌？）不嬲都有。」