鄭伊娜補擺喜酒　唱自創婚禮主題曲娛賓

藝人鄭伊娜（Ena）同唱作歌手潘敬祖去年拉埋天窗，喺沖繩舉行婚禮，而今日佢哋就喺香港補擺婚宴，仲特登揀選主題樂園設宴親呼過百親友。唔少圈中人都有出席，包括藝人黃建東、姚浩政、黃榕及形象指導許嘉浩（Karl）等，而賓客都有喺社交網上載現場短片及合照。當中見Ena以露膊低胸婚紗性感亮相，至於新郎亦有表演唱歌娛賓，一對新人更一齊獻唱自創嘅婚禮主題曲《幸福堡壘》，Ena仲一度感動到眼濕濕，場面相當溫馨。

而有份擔任姊妹團及婚禮司儀嘅歌手邱芷微（Chelffy），接受東網訪問時就表示：「我同Ena及Felix 都分別認識咗好耐，特別係Ena，當時我同佢都未入行，佢亦啱啱讀完書返香港...其實佢哋當初話我知拍拖都好突然及開心。不過我最估唔到係因為我兩年前的新歌發布會邀請咗佢兩個做嘉賓，而令佢哋邂逅認識。」