赴日浸溫泉 吳慧心踩入《千與千尋》取材地

2019年03月12日 03:45
東網電視
更多新聞短片
Saffie去日本旅行放鬆,順道尋找自我。

名模Jessica C.師妹吳慧心(Saffie)早前到日本旅行,展開放鬆及尋找自我之旅。她到了位於新宿的一間新潮冥想場所作體驗,並表示:「現場個環境好特別,最初入到去係全黑,跟住會見到一道曙光,好似去咗你嘅內心世界搵番自己咁,入面有好多唔同燈柱,你坐喺燈柱前面,會播出指引教你冥想。我前一晚係通宵機,落機就去咗做冥想,成個人放鬆晒,真係好好嘅體驗。」

此外,Saffie還到了東京的一間互動體驗館,內有以森林為主題的投射,體驗過由高科技製造出的大自然後,Saffie走入真正的大自然,去到位於群馬縣的溫泉酒店,她說:「我去咗一間好傳統嘅溫泉酒店,叫做四萬溫泉,可以望住瀑布、聽住流水聲浸溫泉,真係好人傑地靈。」原來四萬溫泉是宮崎駿動畫《千與千尋》的取材之地,今次Saffie特意去朝聖一番;「我係宮崎駿嘅粉絲,好想感受佢嘅靈感來源,個感覺真係好特別。」