4度拍《3日2夜》！張曦雯預告一日一套泳衣

無綫劇集《法證先鋒IV》演員張曦雯、羅蘭、謝雪心在新蒲崗拍攝外景，三人代表不同年齡的美，還齊齊着婚紗行Catwalk show。

張曦雯今次着的婚紗是拍劇以來最性感的服飾，月尾劇集煞科後她隨即要第4度為節目《3日2夜》到泰國拍攝，她說：「之前去過馬爾代夫、毛里裘斯、昆士蘭，今次去泰國會拍攝十幾日，只係要準備好心情去拍攝就得，當放假好似去玩咁，今次會去象島，近距離同大象玩，自己要求監製唔可以同雀仔拍嘢，我由細到大都好驚雀仔，見到雀仔會彈開，覺得雀仔行路姿勢好怪。」張曦雯又指當然會為節目準備泳衣，預算每集一穿一套泳衣。