李施嬅出戰加拿大奧斯卡　邊個好姊妹最撐？

無綫劇集《法證先鋒IV》演員李施嬅、張曦雯、羅蘭、謝雪心在新蒲崗拍攝外景，李施嬅憑加拿大劇集《Blood And Water》（血與水）第三季，有機會角逐有「加拿大奧斯卡」之稱的《2019年加拿大銀幕獎》女配角獎，近期亦為頒獎禮紅地氈試「戰衣」，她笑說：「最緊要靚，唔會好性感，以高貴為主。」她又透露好姊妹胡蓓蔚也請纓陪她前往，她說：「佢話自己畀埋機票、酒店，但因為劇組有其他人，都係等下次再大型啲先。」

李施嬅指為拉近與譚俊彥與黃浩然的身高距離，劇中追逐戲甚至到石灘查案也以四吋高踭鞋上陣，但日前卻不慎跣落樓梯，她說：「都跌親尾龍骨同手腕，手指又爆缸流血，依家都冇乜大礙，係手腕仲有啲痛。」她又指不會對穿高踭鞋有陰影，做演員就要豁出去。