人妻鍾欣潼完美KO「脫粉潮」

藝人鍾欣潼（阿嬌）藉《我和星星有個約會》幫粉絲圓夢，而她能夠實現自己做藝人的夢想，更是令人羨慕！多年來外間以訛傳訛，指阿嬌當年在英皇任職接待員，因外貌標致而被簽做明星，阿嬌這次親自拆解多年謎團：「唔係啦！係嗰時英皇透過模特兒公司想搵新人，有人介紹我去見嘅！」問到現時有何夢想？她說：「當然係想喺電影上面攞到獎，至於邊個能夠幫我實現夢想？都需要好多方面，首先係要靠自己努力，第二要靠運氣，遇到好劇本、好導演同編劇團隊，所以最後要靠公司去物色喇。」

她去年由女神變「人妻」，與台灣醫界男神賴弘國結婚，正當大家擔心有「脫粉潮」時，其人氣反而有增無減，阿嬌笑說：「冇喎，反而嘗試到好多唔同嘅工作，同埋品牌活動邀請，所以都多謝大家對我嘅愛護！」