張沛樂爆暗戀史　慳埋慳埋送粒糖

藝人張沛樂（沙律）與羅伊婷（Daisy）為ViuTV節目《晚吹：女學生‧吹水班》擔任嘉賓。由於該節目話題圍繞青春時代的讀書往事、學校制度、同窗知己及有趣秘聞等等，沙律與羅伊婷特意穿上校服及日式運動服亮相，席間沙律大談中學時暗戀過一個男生﹕「想送糖畀佢，但我又冇零用錢，惟有行路返屋企，慳番啲車費去買糖，印像好深刻。」Daisy則搞笑指中學談戀愛特別刺激：「因為畀學校發現，會記缺點。有次訓導處打畀我媽咪，佢好霸氣咁答：『我知道喎，我都見過嗰個男仔。』」當老師話中學生拍拖唔適合，我媽咪又反駁：『乜老師你中學時候冇拍拖咩？咁好遺憾喎。』大家都覺得我媽咪好型！」