望勝利冇事惹誤會 祖兒道歉：唔支持不合法
20190313
東網電視
更多新聞短片
Joey澄清指：「對於任何不合法不道德的行為，絕對不接受、不認同、不支持的！」
天后容祖兒（Joey）日前與韓國天團Big Bang前成員勝利合作新歌《Pretty Crazy》，不過勝利近日捲入性醜聞風波，雙方合作計劃立即被叫停，Joey要獨自完成演唱。昨晚Joey現身《KKBOX香港風雲榜頒獎典禮》，佢受訪時表示：「收到消息後感到好突然、好可惜！過去呢個月佢都好忙，我覺得好遺憾，對我嚟講佢係一個好有才華嘅藝人，自己都好期待同佢合作，呢刻希望佢快啲冇事。」
由於勝利事件持續發酵，網上出現爭議，Joey今日下晝喺微博發文道歉：「一直忙於排練，聽說發生了事情，但不知道已經發展到這麼嚴重。訪問引起大家誤會，十分抱歉。對於任何不合法不道德的行為，我是絕對不接受、不認同、不支持的！以後我也會更加關注時事及謹言慎行。 」
勝利近日因旗下夜店爆出連串醜聞，包括毒品、逃稅等，韓國警方更指佢涉嫌性賄賂安排美女「陪客」而被立案調查，並禁止出國！千夫所指下，自言被視為「國民逆賊」嘅勝利為保Big Bang名譽，前日宣布退出娛圈。
----------------------------
東網巨星開咗ig喇，大家快啲follow啦！