「神盾局局長」森姆積遜永不言休：演戲係筍工！

漫威（Marvel）超級英雄電影《Marvel隊長》（Captain Marvel）上映以來大受歡迎，其中演後生版「神盾局局長」Nick Fury的黑人男星森姆積遜（Samuel L. Jackson）更搶盡「阿Cap」貝兒娜森（Brie Larson）鏡頭。

現年70歲的森姆最近上《君子雜誌》（Esquire）封面，被問到幾時退休？他就回答：「直至我唔能夠演為止。米高堅（Michael Caine）都仲演緊，係咪？」他更指拍戲係「筍工」：「只係演戲。我又唔係掘緊個坑。我可以去片場拍一陣然後返休息車坐低抖兩粒鐘睇電視食三文治睇書，之後再返去拍多十幾分鐘，之後再返去休息車坐低。所以，係一份筍工！」

而森姆在訪問中亦表示唔介意因政論而得失fans，他狂爆粗說：「我知有幾多個X樣憎我。唔睇森姆積遜嘅戲，咁有點X樣？你以後唔睇我嘅戲又唔會令我損失任何錢。我已經收晒錢（片酬）。X你啦！你鍾意點就點，我唔care！」