陳瀅江嘉敏余德丞陷三角戀　邊個爭贏？

藝人陳瀅與江嘉敏一同出席活動，兩人於新劇《福爾摩師奶》內大玩「she she誘惑」，日前播出一場床戲，二人貼面談心成熱話。二人直言拍攝時相當尷尬，陳瀅更笑謂：「我哋瞓喺床拍，鏡頭喺頭頂影落嚟，我哋貼得咁近，連對方嗰日食過啲乜都知。」

她形容戲中自己「愛上」單純的江嘉敏，但後來二人又與余德丞發展複雜的三角關係：「嚟緊有個鏡頭係江嘉敏望住余德丞，余德丞望住我，我又望住江嘉敏，即係大家都望唔到大家嘅視線！（到頭來邊個爭贏？）咁就要追睇落去嘞。」

談到昨晚一場戲她要主動咀余德丞，二人咀到鼻都歪，陳瀅笑言對方拍攝時諸多投訴，江嘉敏即謂：「但佢同我講你好好咀喎。」陳瀅笑答：「邊有男人咁講嘢㗎？」另外，問到江嘉敏有否試過同性追求，她表示：「冇喎，不過讀書時應該好易同到同性friend嘅。」