阿嬌幸福肥　老公勁Like唔畀減

藝人鍾欣潼（阿嬌）出席活動，被記者笑言她現在幸福肥，她說：「今日開始減肥，會食少啲。（老公鍾意你有肉地？）我成日同佢講我要減肥，佢就會叫我唔好聽人哋講，話我都唔肥。同埋佢係好鍾意食嘢嘅人，會叫好多嘢食。（佢覺得你標準？）唉！依家有好多朋友都忍唔住message我話我肥得過份。（老公係咪覺得你有啲肉地好攬啲？）我嘅諗法係我喺佢旁邊肥啲就顯得佢瘦啲。」

問到老公賴弘國有否拉她一起做運動？阿嬌自言十分懶：「佢有嘗試拉，但拉唔到，我好懶。不過結婚前都試過一齊做，但都係各自做，所以冇咩必要一齊做，依家先節食再做運動。」又笑言近日老公被指肥了，令他有些憤怒。

談到明天是白色情人節，二人會如何度過？她說：「唔講咁多喇，每次一講佢就會花一筆錢，好煩，同埋我自己都唔係過節嘅人，講句『情人節快樂』咪得囉！（老公可能畀驚喜你？）佢唔會。」至於提到近日好姊妹蔡卓妍傳出婚訊一事，阿嬌說：「我唔信，因為佢依家個狀態好開心，冇必要結婚，咁佢之前都結過，最緊要開心就得。」