做司儀獲讚　林二汶爆6號「蝦碌」事件

「KKBOX風雲榜」頒獎典禮於12日舉行，當晚由歌手林二汶與樂隊RubberBand成員6號擔任司儀，首次做大型音樂盛會的二汶難掩緊張：「因為有好多資料，好難記晒，搞到要成日望cue卡。」二汶大讚拍檔6號勤力，但大爆期間發生「蝦碌」事件，因6號一度卻聽不到自己的聲音，表情有點慌張，幸好整體尚算順利。

二汶表示做司儀與做歌手的感覺很不同：「做司儀係學習點樣用一啲技巧令成場連埋一齊，做歌手就係專心表演。其實兩者都好需要專心同技巧，我好多謝有呢個機會再次去重新訓練，希望個技巧可以磨練落去。」

雖然二汶今次做司儀獲網民激讚，但她暫無意轉向司儀界發展，仍想以音樂為先：「有呢個機會去磨練到主持技巧，我希望可以擺喺自己嘅演唱會，用得更加好。如果有主持的工作，只要可以幫到我唱歌同練習到現場技巧嘅機會的話，我都非常歡迎。」其後二汶亦在現場唱出《給十年後的我》和《到此為止》。

而獲封「十大年度風雲歌手」之一的陳柏宇（Jason）即場獻唱多首大熱作品，歌迷邊打拍子及跟着唱和應，氣氛熱烈。