《復仇者4》預告片海報Marvel隊長參戰

即將於下月底上映的漫威（Marvel）的超級英雄重頭作《復仇者聯盟4：終局之戰》（Avengers：End Game）最終回預告片及首張海報曝光！

新一輯預告同之前推出的預告內容差唔多，除了仍有「鐵甲奇俠」Tony宇宙飄流之外，亦有「黑寡婦」到日本找已成為「浪人」的「鷹眼」，「黑寡婦」更流住淚拖住「鷹眼」隻手。相當曖昧！唯一新鮮就係一眾「復仇者」穿着白色新制服慢動作出場，認真夠氣勢！此外，被視為「復仇者」終極武器的「Marvel隊長」亦在預告尾現身，一頭負離子長髮的「阿Cap」睥住「雷神」，雷神就笑指：「佢有料到！」

至於首張海報，與上集一樣都係玩「曬冷」，今次有「鷹眼」及「蟻俠」回歸之外，亦有「Marvel隊長」加入，不過化咗灰嘅「黑豹」、「奇異博士」同「蜘蛛俠」就唔見人！