八月再攻紅館！容祖兒唔敢地獄式減肥

天后容祖兒出席活動，她透露稍後會飛去北海道與關智斌開工，媽媽都會同行，希望到時仍落雪，但又笑言被迫學滑雪好驚：「上次我去都冇學到，好驚滑雪，興趣不大，因為我驚受傷整親，依家受唔起傷害，演唱會前要錫身。」

她表示去完北海道回來就會專心籌備八月的紅館演唱會：「要keep fit、training，要狂跳唔索氣，覺得依家唔係好fit，同埋個人會精神緊張，所以都要叫自己calm down多啲。」問到今次可會地獄式減肥？她坦言：「唔會，上次開演唱會試過，但係病咗好唔開心，所以今次一定唔可以畀身體再應付唔到演出，覺得有少少肉都冇所謂，健康就得，仲記得上次同張敬軒去廣州，佢介紹粥畀我食，但我都唔敢食，覺得極端咗啲，所以今次就唔會。」