滿載回憶！周汶錡喺舊機場訓練做Model？
20190315
東網電視
更多新聞短片
周汶錡喺啟德機場有好多難忘回憶。
名模周汶錡（Kathy）到新蒲崗Mikiki商場出席「啟德機場影像回顧展」活動，與攝影師朱迅分享對啟德舊機場的回憶，又與新鴻基地產租務部總經理鍾秀蓮合照。
以前成日去送機
Kathy表示在啟德機場有很多難忘回憶，例如十歲第一次搭飛機，當時她跟合唱團到澳洲表演，自己一個出發沒有家人陪伴，心情緊張，但因空姐對他們很好，令她覺得相當好玩。而啟德機場97年最後一天，碰巧她乘坐飛機回港，得知機場將搬遷，覺得很感觸：「仲有舊機場出閘位有個斜路，我每次返嚟就好似行Catwalk，明星咁好有型！（做Model就係咁訓練番嚟？）唔知呀！可能係！以前都成日去送機，影過好多相，但依家唔興。（仔仔多唔多搭飛機？）大仔幾次囉！佢每次都好開心有得睇卡通片，平時唔畀佢睇咁多，但上飛機冇其他嘢做，佢一睇卡通片就好安定。」
否認摸龍床求子
對於早前被拍到跟外籍老公Julien到荃灣龍母廟摸龍床疑似求子，Kathy表示只是帶老公攝太歲：「我都唔知有龍床，冇呢件事！（去摸吓生多個？）已經兩個仔，又摸多個？（想生女？）上個已經想，如果下個一定係女就有得諗，但依家湊細仔都有啲吃力，隨緣啦！」
----------------------------
東網巨星開咗ig喇，大家快啲follow啦！