咁啱呀！《閃電傳真機》撞到《卡拉屋企》

藝人黎芷珊尋晚獲當年兒童節目《閃電傳真機》嘅一眾主持人，好似有譚玉瑛、麥長青、黎芷珊、蓋世寶、鄧健泓等，同佢補祝53歲生日。而同一時間地點，無綫經典處境劇《卡拉屋企》吳鎮宇、鄭敬基、楚原同黎海珊同樣為盧宛茵慶祝66歲生日，真係約都冇咁啱喎！兩班人難得見到面，當然唔少影大合照啦，場面相當熱鬧！蓋世寶喺社交網留言送上祝福：「今晚實在是一個輕鬆又愉快的聚餐！還巧遇多位前輩呢。芷珊姐姐生日快樂啊！」