蘇韻姿爆料！《愛回家》飯局關係七國咁亂

無綫劇集《愛．回家之開心速遞》中一班後生仔戲內戲外都老友鬼鬼，日前佢哋相約聚會，包括蘇韻姿、周嘉洛、吳偉豪、阮政峰、林凱恩、張明偉。不過蘇韻姿喺社交網搞笑留言話佢哋喺劇中嘅關係好似七國咁亂：「呢張枱啲關係好尷尬⋯⋯ 安仔同朱凌凌係BFF。Bonnie 係朱凌凌嘅ex，依家同安仔拍緊拖。George追過Bonnie，依家暗戀心如，但係同阿孝扮緊拍拖。心如同阿孝拍過拖，但係今次係第二次同朱凌凌扮拍拖。其實⋯大家都係想食免費五花腩啫！」媽！好亂呀！