單立文60大壽　呂慧儀捧蛋糕送驚喜

藝人呂慧儀（長腳蟹）日前宣布與黃文迪離婚，今日佢為無綫劇集《愛．回家之開心速遞》出外景，開工時笑容滿面，睇嚟已經走出離婚陰霾。

適逢聽日就係單立文（豹哥）60歲生日，一班演員趁等埋位時驚喜送上蛋糕，同大唱生日快樂歌。原本仲食緊蛋撻嘅豹哥，見到長腳蟹捧住生日蛋糕，扮做驚喜話：「嘩！好驚喜呀！」長腳蟹亦喺社交網留言話朝早6點開工都阻不了我們慶祝，好多網民都話佢哋真係好似一家人咁好感情！