東方日報C1:杜汶澤背妻帶女返歸斷正

20190317
東網電視
更多新聞短片
田蕊妮喺東京開工無王管?
有出軌前科的杜汶澤,前晚趁住老婆田蕊妮出埠工作,明目張膽背妻漏夜駕車帶長髮女伴返大埔愛巢,二人當場「斷正」,即時尷尬掩面,長髮女更慌張趴低避鏡頭,阿澤緊張爆粗大罵:「你咪X耷低個頭呀!」事後他上載與朋友在家中開P的照片為自己解圍。
46歲的杜汶澤與田蕊妮1999年開始拍拖,2005年正式拉埋天窗,兩人結婚踏入第14個年頭,經歷過不少風雨,阿田受訪時曾表示阿澤拍拖及婚後都試過出軌,雖然兩人吵過大鑊,但最終獲她包容,彼此扶持至今。
被撞破爆晒粗
近日阿田飛到東京參與拍攝旅遊節目,阿澤登時「無王管」,趁老婆不在香港,公然帶女夜會返歸。前晚約11時半,記者發現阿澤的座駕現身灣仔,赫見車內坐着一名長髮女子,之後駛至附近便利店,阿澤單拖落車去買煙,其後再駛至附近街頭停低,阿澤校低車窗邊煲煙邊與長髮女傾談,而其座駕旁邊沒有其他車輛,約5分鐘左右,他載住長髮女直駛位於大埔與阿田的愛巢康樂園。
當車駛至康樂園閘口,記者上前拍照,兩人即一臉驚惶以手掩面,長髮女更慌張得耷低頭避開拍攝,阿澤見狀即緊張爆粗大叫:「你咪X耷低個頭呀!」女方才慢慢抬起頭來,還驚慌得頭髮亂了。
十問九唔應
問到阿澤「個女仔邊個嚟?」、「點解帶女返屋企?」、「係咪趁老婆唔喺屋企帶女仔返嚟夜會?」等問題,他一直笑笑口沒有回應,然後直駛入屋苑內。事隔約一小時,阿澤在社交網上載一班人在他家中開Party的相片,明顯為自己澄清,怕激怒老婆!
更多新聞,請瀏覽東方日報網頁: