Dear Jane添新成員　周柏豪騷琴技夾Band

樂隊Dear Jane首度踏上紅館開騷，今晚為尾場演出，獲大批好友到場支持，包括有許志安、吳業坤、樂隊Mr.的成員Ronny、Tom及Dash、樂隊Supper Moment的成員阿雞及阿達、鄭融、連詩雅及其男友徐浩、黎紀君、袁澧林等，高朋滿座！

而主音Tim的老婆楊洛婷（Rabeea）今晚亦有繼續與「燈牌團」現身打氣，但座位由第一晚的台邊移師到台前，Rabeea高舉「I ❤ 老公」牌之餘又吹哨子，認真落力！演唱會甫開始全場Fans即起身大合唱，令四子演唱得更為賣力！

周柏豪依舊擔任嘉賓，與Dear Jane合唱《天光》，自認是Dear Jane歌迷的柏豪，當唱畢《天》後突然正式宣布由歌迷身份變成Dear Jane的一分子，擔任鋼琴手，並即場催歌：「你哋之前話開完紅館騷會畀到歌我。」成員Howie即表示：「今晚Send畀你，如果你收到Demo記得Post上網讚我！」柏豪笑話：「一定！我由細到大嘅夢想係夾Band，依家要騎劫你哋彈番首歌先！」說畢便以鋼琴伴奏、合唱出《慣》。