老公開騷楊洛婷瘋狂打氣 柏豪怨大壓力

20190318
東網電視
更多新聞短片
有道理喎!
樂隊Dear Jane於騷後與「新成員」鋼琴手周柏豪一齊受訪,講到主音Tim於台上許下承諾約定Fans於紅館再聚,他表示希望可以再開騷:「好好玩,唔夠喉!亦都希望有機會可以去唔同地方,呢兩晚Fans都畀咗好多Energy我哋。」成員Jackal笑言紅館有個魔力:「玩完會唔捨得,我依家好唔捨得!全場大合唱反應好好!」
自認「新成員」的柏豪笑話一早就當自己是Dear Jane成員之一,特意留待今晚才「Come Out」:「之前喺舊公司都有好多合作,佢哋又造歌畀我,即使依家唔係做嘢都會見面,會傾車,而Tim仲係我鄰居,我跟住佢搬屋!」
講到Tim的老婆楊洛婷(Rabeea)一連兩晚都落力於台下舉牌打氣,他亦不禁大讚愛妻:「佢哋個姊妹團好勁!知佢付出好多。」身旁柏豪即插嘴「指摘」:「佢咁樣令其他太太好大壓力。(你太太好大壓力?)大壓力!但其實咁係畀到動力老公,我依家個Standard都高咗!」問到Tim會如何獎勵Rabeea?他笑話:「未Plan,可能係即興嘅嘢。(佢好想要BB,騷後開工追B?)哈哈!獎佢畀BB我哋!(囡囡Tanya睇你綵排好High,下次父女檔上台?)都可以!佢慣咗可以唔戴耳機,佢對音樂好敏感,一到音樂就跳舞周身郁,又拍手好得意!」
唯一於騷上感觸落淚的成員Nice表示:「當知道個騷就嚟完,我哋花咗好幾個月去開會、努力,就好感動!(啲昔日戰友真係臨時拉上台?)係呀!估唔到當時一個白癡嘅行為,話10年後要上紅館,真係會做到!」