阿Sa寸年紀唔細！關智斌反擊畀網友神補刀
20190318
東網電視
更多新聞短片
關智斌首次滑雪，畀老友蔡卓妍寸佢年紀唔細要小心啲！
藝人關智斌（Kenny）近日去北海道旅行，仲初次嘗試滑雪，相入面見佢一身型格滑雪裝上陣，真係唔打得都睇得！不過新手少不免跌跌撞撞，Kenny鼻樑上更有紅色傷痕，令粉絲好心痛呀！唔少粉絲都留言叫佢注意安全，仲搞笑話有「神州第一美男」之稱嘅佢仲要靠個樣食飯㗎！
老友蔡卓妍（阿Sa）亦有留言「關心」佢：「小心呀！！你唔細㗎喇！」Kenny見到之後即刻反擊：「發神經！運動神經都唔知幾年輕！」網友都話佢哋嘅互動好好笑，但有網友就突破盲點神回：「關生，運動神經得好同唔好，邊有得年輕㗎！#發神經」真係眾人皆醉佢獨醒呀！
原來Kenny並唔係自己一個人去，天后容祖兒以及楊受成兒子楊政龍都有同行。祖兒喺社交網上載佢兩個把臂同遊嘅相，仲話好耐都冇同過Kenny去旅行，仲自封為「斌祖二世古」：「我終於可以同關智斌二人世界啦，邊有人七點起身都咁靚仔㗎，自從北京一齊拍劇之後就冇再有機會出埠嘞，所以我好期待今次嘅旅程，你睇我哋幾襯，一個黃一個綠，浮誇至極，密切留意，#斌祖二世古（奔走呀，國語嚟㗎，有心思呢）」另外，又見楊政龍喺Ig Story上載容祖兒喺滑板上扮滑雪嘅片，十分搞笑！
----------------------------
東網巨星開咗ig喇，大家快啲follow啦！