有家室拍打戲唔錫身 鄭嘉穎：除非唔做演員
20190318
東網電視
更多新聞短片
鄭嘉穎一講起個仔就好開心！
藝人鄭嘉穎、林峯和譚耀文等今天出席香港國際影視展，談到今次拍攝電影《P風暴》，鄭嘉穎指是第二次參與此系列，又表示今次與好友林峯有不少對手戲。問到此角是否有不少動作戲？他說：「最多動作戲都係同阿峯喺直升機嗰場，因為喺機內地方較窄，所以都有啲難度，要打都幾考功夫。不過都Okay，同阿峯識咗咁耐都未試過一齊拍動作戲，幾好玩。」
談到現在是有家室的人，會否較以往錫身？嘉穎直言沒有：「依家出嚟拍戲都唔會一啲動作都冇，都係正常咁做，而太太都係演員佢都好明白要咁做，除非唔做演員，我又唔想咁快唔做住。」
問到現時工作會否對兒子Rafael心掛掛，新手爸爸嘉穎說：「掛㗎！有小朋友嗰啲就知，佢兩個零鐘就會叫人，需要好多耐性照顧佢。（依家湊佢係咪愈嚟愈熟手？）依家好啲，做得多就功多藝熟，了解佢多咗，知道佢咩樣就知道佢係肚餓定有便便。（依家最熟手係餵奶、掃風定換片？）自己有做哂，覺得掃風係最難，因為佢唔會坐定定畀你掃，都係撞手神，唔係次次咁順利。」又透露囝囝試過「斟茶」畀佢，更指只是站在陪月旁亦被他射中。
----------------------------
東網巨星開咗ig喇，大家快啲follow啦！