朱千雪想做打女　麥明詩唔怕再踩單車

藝人朱千雪與麥明詩（Louisa）出席無綫於影視娛樂博覽舉行的活動，宣傳myTV SUPER推出myTV Gold服務，自言由細睇外國英雄片睇到大的阿雪，笑指若香港開拍，絕對有興趣參與，提到英雄片女角多數性感，她說：「如果劇本夠好我唔介意做女英雄喎！（依家開始keep身形？）有先算啦，有戲就會keep到（男友畀咩？）佢畀我做英雄，性唔性感到時同服裝傾，唔使諗到咁遙遠。」

而Louisa則表示對新服務頻道內播放的單車賽事感興趣，曾踩住單車北上做善事的她，直言現時愛上單車運動：「依家間唔中一、兩個星期都會踩。（再參加慈善單車遊？）要問准父母先，佢哋驚我再受傷同死，應該唔會畀，等佢哋遲啲睇吓會唔會改變主意（依家偷踩？）唔係，香港地方安全，有醫院同先進醫療設施嘛！」