以為患絕症!郭富城急睇醫生驚餐飽

2019年03月18日 20:12
東網電視
更多新聞短片
城城唔好有事呀!

天王郭富城西裝骨骨出席香港國際影視展宣傳新戲,他透露於新戲飾演無家者,並預告已拍畢一段時間、今年內會上映:「呢部戲都會參加其他影展,但做演員唔一定要爭取獎項,今次選擇拍香港題材嘅電影,係因為想令全世界知道香港嘅作品係有幾優秀。」

講到於台上自爆抽離不到角色,拍畢恐患戲內疾病,即刻去睇醫生:「好彩醫生話冇病,真係驚餐飽!」追問戲內患甚麼病?他大賣關子話:「絕症,咩絕症就唔講,可能真係太投入,為咗呢部戲專登體驗捱餓、貧窮嘅感覺,盡量唔食嘢。」

否認擺「金龍多子陣」

育有一女的他,日前被爆於家宅轉擺「金龍多子陣」求子,他聞言大反應澄清:「唔係,一直喺屋企都有擺保平安嘅,唔係佢哋咁講,亂咁作!(以前嗰個陣好似唔係金色?)打風整爛咗!依家嗰個穩陣啲,保家宅平安,依家做咗爸爸、丈夫,都想好好保護家人,其實無論任何性別都咁開心!最緊要囡囡有個伴、多個朋友,因為太太係一孩屋企之中長大,明白佢成長過程嘅孤單。」

唔講BB性別

追問太太方媛是否正佗B仔?城城大笑避答:「未Check!唔理佢!(見太太日前同個藍色蛋糕影相,比喻係仔?)大家唔好咁介意,冇所謂!其實媽媽都唔係太鍾意我成日提,所以唔好迫我講啦!唔係男就係女啦!每次講少少啦,最緊要小朋友身體健康。」