練足15粒鐘！BINGO為MV減肥練舞再運動

跳唱女子組合BINGO最近推出新歌《後街女孩》過後Keep住勤力，於MV拍攝前兩個月就自覺每日於Studio逗留近15小時練舞。為求達至最佳拍攝效果，三女得悉拍攝概念後，更在節食減肥及練舞期間，不斷運動，她們慶幸遇到好同伴互相打氣及一同努力。

Queena說：「好彩Carman同Odilia都肯同我一齊減肥，仲不停同我傾偈，令我冇咁孤單，而且佢兩個仲會不停講笑，起碼我唔會咁驚青，仲互相慢慢細執大家嘅跳舞動作，仲諗點可以睇落靚啲！」而Carman及Odilia則表示：「Queena就好似我哋嘅妹妹咁，一家人冇尷尬，對我哋嚟講好多嘢唔識就一齊學，我哋都好多謝佢成為BINGO嘅成員，雖然大家都會有攰嘅時侯，但見到對方好努力，就唔敢鬆懈，咁先可以推動大家進步及成長。」