返主場做主持　周奕瑋用韓語盤金在中

無綫藝人周奕瑋為《第13屆亞洲電影大奬》擔任紅地氈司儀。身經百戰的他依然感到壓力：「今次要用廣東話、英言、普通話同日語同嘉賓溝通，嘉賓未行到埋嚟，我個腦就要轉定先、諗定點講同翻譯，最難忘之前學緊韓文時同金在中做訪問，但紅壇有負責韓語部分嘅拍檔幫手，不過我都有開口問金在中問題，亦全程聽得明佢答乜，都算對得住韓文老師，而我嘅目標係可以有朝一日可以做五種語言嘅司儀。」

而今次盛會由去年的澳門移師到香港無綫電視城舉行，令他感到好親切：「返自己主場做騷喎。紅地氈條路係我平日行去娛樂台廠房必經之路，平時覺得冇特別，但嗰晚突然間好grand（宏偉）呀！」