重複着自己衫拍攝！林淑敏被網民踢爆神回

於《愛．回家之開心速遞》中飾演兇惡「大小姐」一角嘅林淑敏（Mandy），私底下其實相當溫柔！早前佢喺拍攝《流行都市》休息期間，於big big channel做直播，同網民互動，時托頭時甜笑，相當Sweet，仲用好柔和嘅聲音話自己近排「唔夠瞓」有黑眼圈！

之後，講到拍《流行都市》通常會着自己衫，有網友搞笑話Mandy身穿嘅「主持衫」都着過好幾次，難得Mandy處變不驚，亦冇變身「大小姐」講「豈有此理」，繼續用超溫柔嘅聲線笑言：「係呀，環保呀嘛，唔會着一次啦。」