杰倫昆凌又放閃!一件外套兩份着

20190319
東網電視
更多新聞短片
呢啲就係情趣喇!
台灣天王周杰倫(Jay)與老婆昆凌最近去咗德國科隆,連月來昆凌都做跟得夫人陪老公周圍飛,不過佢哋唔係剩係掛住自己玩,隨行都有帶同一對仔女,真係廿四孝爸媽。今日昆凌先喺社交網打卡,上載一張德國街拍照,因為昆凌都成日着靚衫自拍,就咁睇其實好普通,不過冇耐就到Jay上載同一地點街拍喇,有眼利網民發現佢哋仲要穿上同一件外套,實行一件衫兩份着!以為咁樣已經好sweet?梗係唔止咁少啦!Jay仲留言話:「學你打卡。」兼tag老婆昆凌,隔空放閃,難怪網友都話畀佢哋兩公婆閃到眼盲啦!