頭部被保鮮紙密封 阿Sa陷死亡邊緣

20190319
東網電視
更多新聞短片
阿Sa笑言包完保鮮紙後,大家竟然問佢嗰個係咪佢!
英皇電影在會展舉行的香港國際影視展舉行《2019英皇電影項目巡禮》,有大批影星出席包括蔡卓妍(阿Sa)、謝霆鋒、劉青雲、趙薇、黃秋生、林嘉欣、周柏豪、衛詩雅、陳家樂、王千源、温碧霞、李若彤等,當中阿Sa更身着側後透視裝,非常搶鏡!
阿Sa有望這兩年有五套電影及一部劇集面世,包括電影《神探大戰》、《感動他77次》及《給我1天》等,產量甚多!今年有份提名影后的她堪稱千面伊人,問到她豈不是要很忙做宣傳?她笑說:「咁我唔嚟一排囉!」講到《感動他77次》是《原諒他77次》續集,問有否票房壓力?她說:「冇呀!上次出乎意料地好,應該有儲備基金,有底氣!」
講到一連串演繹多個角色,最喜歡哪一個?她說特別期待《感》片及《神》片,而拍《神》片時更陷死亡邊緣:「有場戲個頭要包實保鮮紙,不過好傷心,做得咁辛苦,大家都問嗰個係咪我!(你話喺死亡邊緣?)係呀,本身包咗兩個圈,拮咗個窿抖氣,但近鏡時,導演話睇到,要封埋佢,抖唔到氣真係差啲死!」
青雲同韋家輝唔講得笑
而《神》片男主角劉青雲亦在台上表示跟導演韋家輝合作唔講得笑:「最大挑戰唔係拍嗰陣,係接嗰陣,接咗之後就開始後悔,好清楚拍佢嘅戲會遇到咩情況,但之後發現我真係好適合拍呢啲戲,預計嘅事情都有發生,詳情就唔呢度講喇!」