【誰在篡改劇情】滕麗名望延續有童年回憶

藝人滕麗名將與昔日無綫電視劇《尋秦記》的一班演員古天樂、林峯、宣萱、郭羨妮等拍攝電影版《尋秦記》，能夠集合劇中主角重拍，認真是集體回憶。阿滕以前飾演武功高強的殺手善柔一角，暗戀好友「項少龍」古天樂，而今次，同樣要打到飛起。

阿滕接受訪問時坦言近年已甚少接拍古裝劇，上一套已是2005年的無綫劇集《御用閒人》，她謂：「《尋秦記》係好多人嘅童年回憶，咁難得集齊人兼且我哋嗰個『真』係冇乜變過，只有變得更正，所以再開拍真係好興奮，已搵番以前嗰種感覺。」阿滕坦言古天樂都向她表示今次她的角色要打到好甘，故她坦言這段時間要操身手。

接拍此片，阿滕要向無綫《愛．回家之開心速遞》劇組攞檔期，幸而獲得公司遷就。說到以前《尋》劇主題曲由古天樂唱，阿滕坦言都有人問過今次會否由他再唱，阿滕笑謂：「如果大家想有番嗰種童年回憶，我都覺得應該由佢唱番。」