帶3個篋去米蘭　陳約臨返到香港即刻…

無綫娛樂台主播陳約臨（Kelly）早前飛到巴黎及米蘭出席時裝周，一共去咗17日，Kelly話係第一次去米蘭，除咗事前都學咗少少意大利文傍身外，仲足足帶咗三個行李去做足準備：「因為嗰陣係冬天，所以啲衫都比較大件同重。足足工作咗17日，所以返到香港第一件事係要去腳底按摩，因為真係好酸痛。」而Kelly在當地影了不少靚相，更遇見台灣天后蔡依林。

上次Kelly話去巴黎時差啲畀人偷嘢，所以今次去當地都提高警覺：「今次好小心，我將啲袋收埋喺外套入面，咁就減低畀人偷嘢機會，所以拍攝都好順利。」