郭羨妮拍《尋秦記》再做琴清　網民勁撐

藝人郭羨妮（Sonija）相隔廿年再與古天樂、滕麗名、林峯及宣萱等人齊齊開拍電影版《尋秦記》，昨日更齊人出席影視展公布電影即將開拍。而片中，Sonija亦會飾演昔日與項少龍一對的「琴清」，她接受東網訪問時謂：「好開心呀！有機會做番琴清，好多年冇見番咁多位舊同事，咁就二十年，今次電影版係一個延續，好期待。」

她又指故事各樣還在傾談當中：「《尋秦記》係我出道嘅第一套劇，拍嗰陣乜嘢都唔識，好好彩大家鍾意琴清，希望經過多年磨練之後，有更好嘅演技畀大家睇到啦！」網民都大讚Sonija雖然已做人母，但依然Keep得很好，廿年後再做「琴清」一樣正呀！