勁識冧父母!郭富城爆囡囡十足親善大使

2019年03月20日 21:15
東網電視
更多新聞短片
城城大爆囡囡Chantelle成個親善大使咁,識得飛吻添呀!

天王郭富城(城城)、影后林嘉欣、歌手麥浚龍(Juno)及韓星裴斗娜今日出席活動,城城受訪時談到囡囡Chantelle即將做家姐,問有否預備禮物給BB?他說:「冇咁快,佢依家1歲半,我成日都有同佢講會做家姐,同埋佢依家講嘢好清晰,識講爸爸媽媽,我哋聽到都好冧。佢仲成個親善大使咁,識得飛吻同byebye。」而問到太太方媛懷孕後有否感到不適時,他就自稱「暖男」:「我好體諒懷孕嘅女性,自己作為丈夫都會好好照顧佢。」其後講到古天樂將會開拍電影《風雲》,城城表示這些事全交由經理人小美處理。

熱愛親手整皮革

同場的林嘉欣表示沒有儲手袋留給囡囡的習慣,並透露愛親手製作皮革:「會送畀朋友做生日禮物,都已經做咗好幾年。(會整書包畀囡囡?)整過手抽袋畀佢,又會加啲鈕扣同熊啤啤裝飾,都有整鎖匙包畀老公。(同囡囡一齊製作皮革?)冇,因為要用刀比較危險,不過佢有學陶瓷,都學咗兩年。」

至於日前度過35歲生日的歌手麥浚龍(Juno),透露女友戴庚玲親自下廚為他慶祝,更大讚對方廚藝了得。他指近日忙於為其執導的電影《風林火山》搞後期製作,以及籌備謝安琪的新專輯及個唱。而晒長腿上陣的裴斗娜自爆午餐時享用了點心,並大讚非常好味,其後又表示想與影帝梁朝偉合作之餘,亦非常喜歡電影《英雄本色》。