出埠拍《嫁到3》　陳貝兒最放唔低邊個？

無綫藝人陳貝兒是一名貓奴，家中有兩個「主人」，包括愛貓Rikka及Jason。日前「家姐」Rikka 1歲生日，身為媽媽的貝兒悉心為「BB」舉行粉紅生日派對。她更特地為「兩姐弟」炮製生日餅，食到牠們舔舔脷！談到兩隻愛貓，她表示：「我依家好享受單身生活，佢兩姐弟帶畀我好多歡樂。本來我都唔係好鍾意出街，有咗佢哋更加變宅女。Rikka本身考獲動物醫生牌照，性格特別溫純，所以我好錫佢。」

由於即將離港四個月，以拍攝新節目《嫁到這世界邊端3》，貝兒笑言近日忙於為兩個寶貝做心理輔導：「佢哋好黐我嘅，所以都擔心我離開咁耐，佢哋嘅情緒問題，惟有同佢哋傾多啲偈先。其實唔止佢哋，我都會好掛住佢哋，好似依家出去做嘢耐啲，自己個心都會囉囉攣！」