拖實滑雪！容祖兒關智斌上演冬季戀歌

天后容祖兒（Joey）近日難得唔使開工，孖老友關智斌（Kenny）以及楊受成兒子楊政龍同遊北海道。尋日兩人全副武裝上陣，齊齊去滑雪，再笠埋個兔仔頭套扮可愛。兩人手拖手企喺雪地，十足一對戀人上演冬季戀歌，Joey仲留言話：「浪漫至極」二人消耗一輪體力之後，即刻又飲又食，認真歎世界呀！好多網民留言問BOYZ、TWINS同Joey一班老友可唔可以下次一齊組團去旅行？