陳瀅冧爆!馬國明行「姐妹政策」請飲珍奶

20190321
東網電視
更多新聞短片
係喇,開心喇!
無綫劇集《降魔的2.0》依家已經開拍緊,上集多位主角馬國明、胡鴻鈞、黃智雯、劉佩玥等都有得留低,今次仲加入唔少新角色,好似陳瀅咁就係其中一個喇。咁一班人本身夠Friend底,拍攝現場更加係笑聲滿載,今次就有馬國明請飲珍珠奶茶,But……似乎全場淨係得陳瀅有得飲咋喎?
話晒女友嘅好姐妹即係自己嘅好姐妹,馬國明女友黃心穎本身就同陳瀅friend到爆,咁即係好姐妹啦,咁馬國明嘅「好姐妹」阿陳瀅開到聲話想飲珍奶,馬國明即刻第一時間去買,陳瀅冇啦啦畀人當公主咁錫,佢都冧冧豬喪讚馬國明靚仔,心心眼出晒嚟,仲喺鏡頭前左擰右擰,而馬國明就狂嗌陳瀅做「瀅姐」,明明自己出錢都仲話:「唔好理邊個請,阿瀅姐話想飲啦總之!」真係畀足面「好姐妹」,咁識做,睇嚟行「姐妹政策」都Work喎!