尋秦記出走?宣萱入神盾局同「蟻俠」做拍檔

20190321
東網電視
更多新聞短片
宣萱加入漫威「神盾局」同「蟻俠」做拍檔!
本地藝人宣萱同「蟻俠」保羅魯特(Paul Rudd)有咩共通點?畀你諗十秒…難估呢?其實就好似係佢兩個拍過嘅影視作品《蟻俠》(Ant-Man)同《尋秦記》都同「穿越」時空有關囉,唔知係咪呢個關係,「蟻俠」保羅即將於本月28日來港,為香港迪士尼全球獨家漫威(Marvel)主題遊樂設施「蟻俠與黃蜂女:擊戰特攻!」揭幕,大會仲搵埋宣萱上陣,出演設施原創的漫威角色,是為「神盾局」科技館的總工程師林樂詩(Leslie),於遊樂設施同「蟻俠」以及「黃峰女」對戲!
作為首個參與漫威作品的香港女星,宣萱自言勁開心:「我睇漫威電影都會代入其中,所以當知道我係佢哋一份子,真係感到勁光榮!」此外,宣萱於大學時期修讀物質工程學,但一直未演過工程師角色,佢話:「過去演藝生涯都無演出呢類角色嘅機會,今次能擔演Leslie一角,感覺似重拾本業,仲係同漫威合作,簡直係夢想成真!基於我在學時嘅訓練,製作時遇到專業用詞嘅對白,我都可以駕輕就熟,全情投入。」而佢仲話知道「蟻俠」會來港時,好興奮想同朋友講,但仍然配合漫威嚴防「劇透」,相當入戲!講時講,未知宣萱佢會否介紹埋同樣曉得穿越嘅老友「項少龍」畀「蟻俠」認識?