零代溝！BTS開騷嘟嘟孖陸永大女捧場

韓國男團防彈少年團（BTS）尋晚揭開香港站一連四場騷，就連鄭裕玲（嘟姐）都化身粉絲，佢仲同埋另外一位小粉絲到場支持，佢就係陸永大女Hannah喇！陸永喺社交網上載嘟姐同Hannah合照，多謝對方送飛畀囡囡：「兩位少女心梗係約埋入去睇bts啦！一對中坑父母梗係喺場館外面等啦。多謝Do（嘟）姐將咁珍貴嘅飛送咗畀hannah！」嘟姐亦有留言：「這代表友誼和愛BTS沒有年齡障礙！」

陸永太太Reina仲上載囡囡於場內嘅短片，見到Hannah相當投入，一邊揮螢光棒一邊跟住唱，Reina搞笑話：「跳足全場！High過睇老竇演唱會，之後…謝咗！」