金像獎三套戰衣　惠英紅41吋腿長勁過楊冪

影后惠英紅出席時裝店開幕活動，提到早前她再奪最佳女配角後立即「找數」，在社交網上載了索爆三點式派褔利，她解釋：「雖然我唔高，但（身材）比例係好長，對腳都有41吋，啲人成日都唔信我。所以成日買低腰褲，因為比例唔啱。（真人不露相？）唔係，大家後生少少都睇過我嘅寫真！」按照身高比例及腿長，惠英紅的長腿紀對勝過大陸長腿女星楊冪！

談及主演的無綫劇集《鐵探》將於四月播出，她笑說：「套劇就嚟會做宣傳。（日日都見到你？）係咪好煩呀？唔好咁啦，我已經有十年冇喺香港正統電視台出現。」問是否已經揀好金像獎戰衣？她說：「紅地氈揀咗啦，我今次有候選，亦有答應大會頒獎。（好似Fashion show咁？）好多時都會換兩套，今次有三個時刻，所以最多都會換三套衫。（會唔會想攞最佳衣着獎？）好少機會啦，通常都要性感啲先攞到，我當日都唔會好性感。始終去到某個年紀，要有其他風格，唔一定要show好多嘢，可以show自己成熟韻味都OK！」