【破邪4招都冇用】張鈞甯酒店畀鬼掐頸

2019年03月22日 06:50
東網電視
更多新聞短片
拍得住恐怖片!

台灣女星張鈞甯近年參演唔少火熱劇集,好似有《武媚娘傳奇》同埋《如懿傳》等,人氣爆升之餘工作量亦大幅增多,呢日佢出席活動時自爆一年起碼要飛過百次,經常去唔同地方當然要入住酒店,期間亦遇過唔少靈異事件,所以每次去到酒店必定做四件事減低撞邪風險:「去到酒店房門口一定會先敲門,睡覺時拖鞋會一正一反、枕頭下壓心經跟手環,床頭擺佛像。」雖然做足破邪四式,不過都試過頂唔住中招,過程仲相當兇險。

張鈞甯憶述恐怖經歷表示:「在半夢半醒的時候,感覺到有人坐到床邊,之後有一隻手掐我的頸,因為真的很累又睡去了,醒來後沒有再理會是甚麼事情。」佢再分享近期發生的奇怪事,喺內地一間酒店,約晚上十時有人敲門,當佢應門嘅時候,發現長長嘅走廊空無一人,佢話當時只可以默默閂番度門,好彩之後都冇乜嘢發生。張鈞甯最後補充,認為盡量唔打擾「對方」,正常情況下都可以相安無事!