飛起賤男！姚瑩瑩喊甩眼線「報答」網友

無綫劇集《愛．回家之開心速遞》收視高企，呢日喺劇入面飾演「Helen」嘅姚瑩瑩，喺社交網上載一張攬住玫瑰花喊到眼線甩晒嘅相，令網友嘩然佢究竟發生咩事！

原來喺最新播出嘅一集中，姚瑩瑩因為發現「阿John」（何啟南飾）同「細龍太」（陳偉琪飾）有路，之後阿John買玫瑰花同埋拎任用嘅信用卡畀佢，向佢道歉，喊完激動完嘅Helen就同成班朋友去購物發洩，但最終都唔接受道歉，分手收場。唔少網友睇完呢場戲，都話瑩瑩演技好好，仲話恭喜Helen終於可以放下，飛甩賤男！