咁都得！芭芭拉信MJ孌童卻稱：受害者無咩事

有關已故天王米高積遜（Michael Jackson，MJ）涉孌童的紀錄片《Leaving Neverland》成全城焦點，MJ獲家人與粉絲力撐，亦有不少網友鬧爆一代傳奇，而著名美國歌手芭芭拉史翠珊（Barbara Streisand）近日亦有回應事件，不過觀點勁爆，雖信MJ作惡，但她就責怪受害者家人，言詞間就講到事件沒有大不了，引起網民熱論！

現年76歲的芭芭拉近日受訪時表示相信於紀錄片自稱受害者Wade Robson與James Safechuck對MJ的性侵指控，但就指兩男的家人有問題，容許兒子於MJ大宅過夜，對兩男最後被MJ性侵有責任，她又表示：「無論佢（MJ）有咩童年又或者有咩基因，佢嘅性需要只係佢嘅性需要…你可以形容為『性侵』，但對嗰啲小朋友嚟講，就係你（於紀錄片）聽到（Wade與James）咁講，佢哋去嗰度（MJ屋企）係好開心嘅，咁佢兩個依家都結咗婚，各有家庭同小朋友吖，所以（性侵事件）都無令佢哋好大傷害。」

芭芭拉言論一出即被大批網民鬧爆，有人表示：「咁講都得？即係話孌童性侵無問題，因為根本唔傷害人？」有人更直言：「佢根本唔應該對事件發表言論！」直指芭芭拉觀點唔對路，而她暫時未再作回應。