20年啦！曹永廉再同鄭伊健合體

藝人鄭伊健近日低調現身電視城引起熱話，馬國明和歐瑞偉等爭相合照，並上載到社交網開心Share，而曹永廉（阿廉）於電視城餐廳巧遇伊健、鄭丹瑞和羅冠蘭等，阿廉說：「好難得撞番伊健，真係湧起唔少回憶。我同佢20年前合作拍攝劇集《雙面伊人》，當時我好似成舊木咁乜都唔識，伊健好肯教我同幫我講嘢，咁多年佢都冇變過，一樣咁好人。嗰日我同佢傾開偈，佢仲話係時候約返《雙》劇嘅拍檔好似袁潔瑩咁出嚟聚吓，不過我諗最快都要四、五月先約得成嘞，大家都忙嘛。」